Oblys ortalyǵynda ótken qalalyq Tamyz keńesinde 2018-2019 oqý jylynyń qorytyndysy shyǵaryldy.
Qalalyq Bilim berý bóliminiń basshysy Samal Aıtqazınanyń málimdeýinshe, bıyl qalalyq bilim berý júıesiniń qarjylandyrylýy 18 mlrd teńgeden asqan.
Jańa oqý jylyna deıin 14 mektepke kúrdeli jóndeý jumystary jasalyp, 283 mıllıon teńge jumsalǵan.
Oqýshylardy qajetti oqýlyqtarmen qamtamasyz etý úshin jańa oqý jylynda 508,6 mıllıon teńge bólingen.
Joǵary kásibıligi úshin Bilim jáne ǵylym mınıstrliginiń Qurmet gramotasy, Alǵys hattarymen Aıman Túkenova, Gúlnár Qazkenova, Ermek Áýbákir, Gúlmıra Esmaqaeva, Sabıra Jambylqyzy, Elena Dorn, Gýlhan Jumabaı, Qýanysh Meıramuly, Blok Natalıa jáne basqa da muǵalimder maraptattaldy.
Sondaı-aq «Altyn esimder kitabyna» Sáýle Hasanova, Nıkolaı Sılkın, Gýlsına Shındlıarskaıanyń esimderi jazyldy.
Al 2018-2019 oqý jylyndaǵy reıtıngtik baǵasy boıynsha úzdik atanǵan №120 balabaqsha men №34 mektep árqaısysy 6 mıllıon teńgeniń, №126 balabaqsha men M. Áýezov atyndaǵy mektep árqaısysy 5 mıllıon teńgeniń, №49 balabaqsha men B. Momyshuly atyndaǵy mektep árqaısysy 4 mıllıon teńgeniń sertıfıkattaryn aldy.
Sonymen birge №34 mektep pen «Ekologııa jáne týrızm balalar ortalyǵy» balalardyń jazǵy demalysyn, saýyqtyrylýyn jáne bos ýaqytyn tıimdi uıymdastyrý boıynsha ótken «Jaz-2019» qalalyq baıqaýdyń jeńimpazdary atanyp, qarjylaı syılyq tabys etildi.
PAVLODAR
Sýretti túsirgen: Olga Býgaeva